Нұр-Сұлтанда кенеттен мерт болған сарбаздың өліміне қатысты жаңа деректер пайда болды

Бір ай бұрын әскерге шақырылған 18 жастағы сарбаз астаналық госпитальда қайтыс болды. Оның жақындары жігіт жиі тіс ауруына шағымданатынын айтты. Қорғаныс министрлігі де күтпеген өлімнің мән-жайын анықтап жатыр.

ҚР Қорғаныс министрлігінің мәліметінше, жас жігіт ауруханаға түскеннен кейін үш күннен кейін сепсис пен инфекциялық шоктан қайтыс болған. Дәрігерлер жақ сүйегінің қабынуы деген диагноз қойған.

Аурухана жағдайды түсіндіруден бас тартты, бірақ Қорғаныс министрлігі дәрігерлер қолдан келгеннің бәрін жасады деп сендірді.

Астана телеарнасының хабарлауынша, соңғы күндері жас жігіт тісінің ауруына шағымданған.

– Ол ауруханада үш күн жатты. Бәрі тіс ауыруынан басталды. Шамасы, тісінен шыққан ірің басына өтіп, жүрегі шыдай алмаған. Қаны уланған шығар. Кімнің кінәлі екенін білмеймін. Кеше баламның денесін үйге өзім алып келдім, - деді марқұмның әкесі Халмат Сариев.

Еске салсақ, жас жігіт Түркістан облысынан әскерге шақырылып, Нұр-Сұлтан қаласында қызмет еткен.