Нұр-Сұлтанда күдікті полиция ғимаратындағы терезеден секіріп кетпекші болған

Нұр-Сұлтан қаласының 32 жастағы тұрғыны полиция ғимаратынан екінші қабаттағы терезе арқылы қашып кетпек болған.

Бұл туралы Orda.kz хабарлады.

Күдіктінің қашу сәті видеоға түсіп қалған, артынша ол желіде тараған. Кадрларда астаналық Есіл ауданының Полиция басқармасы ғимаратының терезесінен ер адам асылып тұрғанын, ал формалы офицер оның қолынан ұстап тұрғанын көруге болады.

Нұр-Сұлтан полиция бөлімінің баспасөз қызметі оқиғаның 22 қыркүйекте болғанын хабарлады. 32 жастағы ер адам бұзақылық үшін ұсталған. Ол полиция ғимаратынан терезе арқылы шығып кетпек болған.

– Бұл әрекет тоқтатылды, бұзақылық бойынша сотқа дейінгі тергеу жүргізілуде, - деді құқық қорғау органдары өкілдері.