Нұр-Сұлтанда әйелдер құқығы үшін митинг өтті

Оң жағалаудың орталығындағы қалалық саябақта әйелдер құқығын қолдау митингісі өтті.

Нұр-Сұлтанның оң жағалауында әйелдер құқығын қорғайтын белсенділер жиналды. Ұйымдастырушылар оны ертерек өткізгісі келген, бірақ әкімдіктен уақтылы жауап алмаған.

Оған 60-қа жуық адам жиналды. Халық «Сен сұлу қазақ әйелісің – бұл мақтау емес», «Қол көтерсе – қамалсын», «Өмірім – күрес, мені әскермен қорқытпа», «Патриархат құрысын!» деген плакаттарды көтеріп тұрды.

Жиналғандар қоғамда орнығып кеткен тұрмыстық зорлық-зомбылыққа, сексистік әзілдерге және адамды қорлайтын стереотиптерге қарсы. Талаптардың қатарында тұрмыстық зорлық-зомбылық туралы заңды қайта қарау, жазаны күшейту бар.

Айта кетейік, бүгін Алматыда да дәстүрлі құндылықтарға арналған митинг өтті. Митинг ұйымдастырушылары радикалды феминизмге және батыстық құндылықтарға қарсы шықты.

Белсенділер феминизмге және олар насихаттайтын «батыс құндылықтарына» қарсы шықты. Әйелдер теңдік пен өз құқықтарының сақталуын жақтаған 8 наурыздағы жиынға қарағанда шараға келгендер бірнеше есе аз болды.