Нұр-Сұлтанда газ құны арзандады
Нұр-Сұлтанда тұрғын үйді газбен жабдықтау 30 пайызға арзандады, деп хабарлайды қала әкімдігінің баспасөз қызметі.
Елорда әкімдігі бірнеше рет монтаждау жұмыстары бойынша мамандандырылған жеке ұйымдармен кездесулер өткізген.
«Алия Сервис» ЖШС тұрғын үйді газбен жабдықтау құнын 240 мың теңгеден 150 мың теңгеге (37,5 пайызға), «Қазтрансгаз Аймақ» АҚ - 123 мың теңгеге дейін төмендеткен. Басқа бірқатар жеке ұйымдар да тұрғын үйді газбен қамту құнын арзандатты. Бұл сомаларға газ жабдықтары мен аксессуарлардың құны кірмейді.
Баспасөз қызметі тұрғын үй аудандарындағы газ тарату желілері мен тоқсандық желілер құрылысын «Нұр-Сұлтан» әкімдігі жүзеге асыратынын, ал үй ішін жабдықтауға жеке ұйымдар жауапты екенін еске салды. Есептегіштерді мемлекет азаматтарға тегін береді.
Қаланы газдандыру үш кезеңнен тұрады. Ағымдағы жылыту маусымында Железнодорожный, Көктал-2 аудандарының тұрғындары және Агроқалашықтың бір бөлігі газға көшуге мүмкіндік алды. Сонымен қатар, Көктал-1, Промышленное, Оңтүстік-Шығыс бөлігінде құрылыс-монтаж жұмыстары жүргізілуде.
Әкімдіктің хабарлауынша, «Қазтрансгаз Аймақ» АҚ ішкі газбен жабдықтау желілерінің қауіпсіздігі мен тексеру жұмыстарына жауапты.
«Астананы газдандыру - Елбасының тарихи жобасы. Бұл қоршаған ортаны жақсартумен қатар, жеке сектор тұрғындарының өмір сүру жағдайларын айтарлықтай жеңілдетеді. Газдандыру процесі Мемлекет басшысының бақылауында», - деп хабарлады әкімдік.
Жаңалықтар
- Қазақстандық азамат шетелдік компаниядан 180 миллион доллар бопсалаған
- Қазақстан бұрынғы уақыт белдеуіне оралуы мүмкін
- Әбіләзовтың сыбайласы Бельгиядан Қазақстанға оралды
- Құлсары қаласының тұрғындары Жылыой ауданы әкімдігінің ғимараты алдында митинг өткізді
- Маңғыстау облыстық полициясы, ҰҚК, прокуратура басшылары отставкаға жіберілді
- Мағзұм Мырзағалиев «ҚазМұнайГаз» басшысы қызметінен босатылды
- Дональд Трамптың ұшағы апатқа ұшырады
- Айуандықпен кісі өлтірді деген күдікті Түркиядан экстрадицияланды
- Грузия парламенті «шетелдік агенттер туралы» заңды қабылдады
- СҚО-да аудан әкімінің орынбасары ұсталды
- Индерде кіреберіс жолды су басқанына байланысты тұрғындарды қайықпен тасымалдап жатыр
- Ұлттық Банктің инвестицияларды зерттеуге арналған гранты Назарбаев Университетіне берілді
- Қазақстанда ұсталған қарақалпақ белсенділері өз елінде сотталды
- Денсаулық сақтау вице-министрі қызметінен босатылды
- Ақтауда оқушы қызқа тиіскен күзетші ұсталды
- Грузия парламентінде шетелдік агенттер туралы заңға қатысты төбелес болды
- Оңтүстік Корея Қазақстанның ұшқышсыз ұшақтар шығаратын орталыққа айналуына көмектеседі
- Шымкент мешіттерінің біріндегі намаз төбелеске ұласты
- Жыл басынан бері Қазақстанға төрт миллионнан астам шетелдік келген
- Қазақстан шетелдіктер үшін жаңа виза енгізбекші