Нұр-Сұлтанда фельдшер жарымжан қызды зорлады

Нұр-Сұлтан қалалық емханасының фельдшері жарымжан науқасты бірнеше рет зорлады деген күдікке ілінді.

Науқас қыздың анасы «Не молчи» қоғамдық қорынан көмек сұраған.

Оның айтуынша, былтыр шілде айында қызы мен өзі коронавируспен ауырып қалған. Үйлеріне «Емдеу 7» емханасынан фельдшер келген.

«ПТР тест алған медицина қызметкері келесі күні үйге келіп, дәрі-дәрмек жазды. Ауруханаға жату керектігін айтып еді, біз бас тарттық. Қызымнан үйде кім тұратыны, туыстар жайында тәптіштеп сұрады. Ол үйде ер адамның жоқтығын, екеуміз ғана екенін айтты. Сенбі фельдшер кешқұрым қайта келіп, қызымды компьютерлік томографияға апаратынын айтты. Үстінде медициналық халаты, қолында сөмкесі жоқ. Сеніп, қызымды жібердім» дейді зардап шегушінің анасы.

Қордың өкілдері дәрігер анасы бірге бармақ болғанда, оны үйде қалдырып кеткенін хабарлады.

Осылайша, фельдшер науқас қызды өзінің жеке көлігімен емханаға әкеліп, фильтр кабинетіне кіргізген. Компьютерлік томография жасаймыз деп, оның көзін байлаған. Фельдшер науқастың қорғансыздығын пайдаланып, оны зорлаған.

Артынша, қызды үйіне апарып, анасы екеуін басқа емханаға КТ жасауға апарған.

Науқас қыз үш апта анасына ештеңе айтпаған.

Күдікті оны анасына айтса, ол ауырып қалатынына сендіріп, қызды қорқытқан.

«Ертеңінде фельдшер тағы келіп, қызымды ЭКГ-ға апаратынын айтты. Арнайы киімді былай қойғанда, медициналық маскасы да жоқ. Фильтр кабинетіне апарып, қызымды тағы зорлаған екен. Үш апта өткен соң ол қыздардан сараптама қалай алынатынын сұрады. Өйткені дәрігер осылайша сараптама алды деп ойлап жүрген. Ақырын сұрай келсем, қызыма осындай айуандық жасалған екен» дейді науқастың анасы.

Қазір аталған факті бойынша қылмыстық іс қозғалды. Тергеу амалдары жүріп жатыр.