Нұр-Сұлтанда екі бала жол апатынан қайтыс болды

Нұр-Сұлтанда екі кәмелетке толмаған бала айналма жолда апат құрбаны болды.

Бұл туралы Orda.kz полиция департаментіне сілтеме жасап хабарлады.

4 тамызда, сағат 22:30-да, Howo автокөлігінің 33 жастағы жүргізушісі Қорғалжын тас жолынан Тілендиев даңғылына қарай айналма жолмен келе жатып, жол бойында тұрған «Стейр» жүк көлігіне соғылды. Кейін Howo жүргізушісі тоқтап үлгермей, Volkswagen Passat көлігіне барып соғылды.

Оқиға орнында болған апат салдарынан кәмелеттік жасқа толмаған 11 және 7 жасар жолаушылары қайтыс болды.

Howo мен Volkswagen Passat жүргізушілері ауруханаға жеткізілді.

Аталған факті бойынша сотқа дейінгі тергеу жүргізілуде.