Нұр-Сұлтанда бастауыш сынып оқушылары онлайн сабаққа көшті

Нұр-Сұлтанда ауа-райының қолайсыздығына байланысты екінші ауысымнан бастауыш сыныптарға арналған оффлайн сабақ тоқтатылды, деп хабарлайды елордалық білім басқармасы.

– 2021 жылы 10 наурызда ауа-райының нашарлауына байланысты қаладағы мектептерде екінші ауысымның 0-4 сынып оқушылары үшін сабақ қашықтықтан оқыту форматына ауысуда, делінген хабарламада.

Синоптиктер 10 наурызда елордада көшпелі бұлтты, жауын-шашын, 9-14 м / с жел тұрады, екпіні 15-20 м / с дейін жетеді деп болжады. Ауа температурасы түнде 11-13 градус аяз, күндіз +2 градусқа дейін.