Нұр-Сұлтанда қар тазалағыш зейнеткерді жаяу жүргіншілер жолағында қағып кетті

Нұр-Сұлтанда шағын жүк тиегіштің жүргізушісі қар тазалап жатқан кезде жаяу жүргінші жолағындағы зейнеткерді қағып кетті.

«2021 жылдың 7 желтоқсанында сағат 15:45 шамасында шағын жүк тиегіштің жүргізушісі Тілендиев даңғылында жұмыс істеп, кері бағытқа шығып бара жатқанда қар тазалап жүріп, жаяу жүргінші жолағында келе жатқан 65 жастағы жаяу жүргіншіні қағып кеткен. Оқиға салдарынан әйел алған жарақаттарынан оқиға орнында көз жұмды» делінген полиция хабарламасында.

Аталған факті бойынша қылмыстық іс қозғалды. Тергеу амалдары жүріп жатыр.