Нұр-Сұлтанда Алаш Орда көсемдеріне арналған ескерткіш ашылды

Ерлордада Мемлекет басшысының қатысуымен салтанатты түрде Алашорда көсемдеріне арналған ескерткіштің ашылуы болды.

Бұл туралы президенттің көмекшісі Ерлан Карин өзінің Facebook парақшасында мәлімдеді, деп хабарлайды Orda.kz.

Ескерткіште Алаш Орда көсемдері - Әлихан Бөкейханов, Міржақып Дулатов пен Ахмет Байтұрсыновтың өзара әңгіме-дүкен құрып отырғаны  бейнеленген.

Биыл Қазақ автономиясының жарияланғанына және Алаш Орда ұлттық үкіметінің құрылғанына 104 жыл толды.

2017 жылы Алаш автономиясының орталығы болып саналатын Семей қаласында  Әлихан Бөкейхановқа ескерткіш орнатылған болатын.

Естеріңізге сала кетсек, 3 шілде күні  елорда күні қарсаңында академик Қаныш Сәтбаев, Дина Нұрпейісова және Елбасы ескерткіштері ашылды.