Нұр-Сұлтан сайлау учаскелерінде қорғаныш шыны қалқандар орнатылды

Бұл туралы Нұр-Сұлтан қаласы әкімінің орынбасары Бақтияр Мәкенге сілтеме жасап ORDA. хабарлайды.

Бақтияр Мәкен бұны қаладағы коронавирустың алдын алу мақсатындағы шара екендігін түсіндірді.

«ПТР тестілеу ұйымдастырылды. Барлық дерлік қатысушылар, комиссия мүшелері, бақылаушылар, сенімді адамдар тест сынағынан өтті. Кіре берісте медицина қызметкерлері мен еріктілер сағаты ұйымдастырылады. Егер сайлау барысында адамдардан дене температурасының жоғарылауы немесе ауру белгілері анықталса, оларды дәрігерлер қарау үшін немесе жедел жәрдем бригадасын күту үшін бөлек бөлмеге оқшаулайды. Барлық сайлау учаскелерінде зарарсыздандырғыштар орнатылды. Бір реттік маскалар, қолғаптар бар. Біз сондай-ақ сайлау комиссиясы мүшелеріне де, бақылаушыларға да арнайы қорғаныш көзілдірік жасаттық. Сонымен қатар өту сызықтары да бар. Барлық учаскелерде қауіпсіздік мәселелері қарастырылған», - деді әкімнің орынбасары.

«Үйде емделуіне немесе карантинге байланысты өзін-өзі оқшаулаған сайлаушыларға дауыс беру пәтерге (үйге) кірмей ұйымдастырылады. Мұндай дауыс беру байланыссыз тәсілмен жүзеге асырылады, мысалы, жергілікті учаскеде бюллетеньді дауыс беруге қатысушыға баспалдақта беру және үй-жайдан тыс жерде дауыс беруге арналған өтініш беру, содан кейін одан өтініш қабылдау және бюллетенді алып келген жәшікке тастау арқылы», - делінген ақпаратта.

Мемлекет басшысының жарлығымен парламент мәжілісі мен мәслихаттардың бірлескен сайлауы 2021 жылы 10 қаңтарында өтеді.