Нұр-Сұлтан-Павлодар тас жолында жүк көлігі жанып кетті

Түнде қысқа тұйықталу салдарынан тіркемесі бар жүк көлігі жол бойында жанып кетті.

Нұр-Сұлтан-Павлодар тас жолында кеше түнде 2010 жылы шығарылған Renault Premium жүк көлігі тиелген тіркемесімен қоса түгел  жанып кетті. Өрт сөндірушілер 3 сағаттан астам өрт сөндірумен айналысса  да,  жүк пен көлікті аман алып қала алмады.

«2022 жылғы 12 ақпанда сағат 01:38-де Павлодар облысы Төтенше жағдайлар департаментінің «101» пультіне Нұр-Сұлтан-Павлодар тас жолында өрт шыққаны туралы хабарлама түсті. 2010 жылғы Renault Premium жүк көлігі толығымен жанып кетті.  Өрт ауданы 40 шаршы метр. Ол Өзбекстан -РФ бағытында жүріп келе жатқан» деп хабарлады облыстың Төтенше жағдайлар департаментінің баспасөз қызметі Instagram желісінде.

Өрт таңғы сағат 5-те сөндірілді, алдын ала болжам бойынша, электр сымдарындағы қысқа тұйықталу салдарынан көлік жанып кеткен. Зақым себебі әлі де анықталуда, өртенген көліктің екі жүргізушісі Қалқаманнан кейінгі жылу пунктіне эвакуацияланды.