Нұр-Сұлтан мектебінде «көрінбейтін» лифт пайда болды

Елордалық мектептердің бірінде журналистке жеделсаты деп, бос қабырға көрсетілді.

Бұл туралы Orda.kz хабарлады.

Оқиға мәжілісмендер қатысқан жаңа мектепті тексеру кезінде орын алды. Мәжіліс төрағасының орынбасары Павел Казанцев журналистке ғимараттағы баспалдақ әлі жабдықталмаған, бірақ лифт бар екенін түсіндірді.

«Оның бар екенін көрейік», − деп ұсынды журналист.

Бұған Мәжіліс депутаты мен мектеп директоры міндетін атқарушы журналисті дәліз бойымен әкеліп, таза қабырғаны көрсетіп, «бұл лифт» деп жауап қатты.