Нұр-Сұлтан әкімдігі мемлекетке 1 миллиард теңге залал келтірді

Нұр-Сұлтан қаласының әкімдігі мемлекеттік сатып алу бағаларын асыра көрсетіп, мемлекетке 1 миллиард теңге зиян келтірді, деп хабарлады Қазақстан Республикасы Қаржы мониторингі агенттігінің баспасөз қызметі.

- Мемлекеттік сатып алу кезінде Нұр-Сұлтан әкімдігі мердігерлерінің бюджеттік қаражатты жымқыру фактісі анықталды. Тергеу барысында қала әкімдігі тауарлы-материалдық құндылықтарды қымбаттатылған бағамен сатып алғаны анықталды. Мемлекетке келтірілген залалдың мөлшері 1 миллиард теңгеден асады, - деп көрсетілген хабарламада.

Агенттік бұл ақшаға 300 орындық балабақша салуға немесе медициналық мекемелерге сапалы жабдық сатып алуға болатындығын атап өтті.

- Сотқа дейінгі тергеу жұмыстары Қазақстан Республикасы Қылмыстық кодексінің 189-бабы, 4-бөлігі, 2-тармағы бойынша - «Сеніп тапсырылған бөтеннің мүлкін аса ірі көлемде иемдену немесе ысырап ету» бойынша жүргізілуде. Өзге мүдделер туралы ақпарат тергеу амалдары жария етілмейді, - деп қосты баспасөз қызметі.