Нұр-Сұлтан: ауа-райының қолайсыздығынан оқушылар онлайн оқиды

Төменгі сыныптарға арналған кезекші топтарда сабақ болмайды. Бұл туралы елордалық білім басқармасы хабарлады.  

«2021 жылдың 9 ақпанында ауа-райының нашарлауына байланысты қала мектептерінде бірінші ауысымда оқитын 0-4 сынып оқушылары үшін қашықтықтан оқыту форматына ауысады» делінген хабарламада.

Көктайғақ болғандықтан Семейдегі бірінші ауысымның бастауыш сыныптарына кезекші топтардағы сабақтар тоқтатылды. Қарағандыда күндізгі сабақтар тоқтатылмаған, бірақ ата-аналарға ауа-райының қолайсыздығында балаларын мектепке бару керек екендігін өздері шеше алатындығы туралы сынып жетекшісіне хабарлай отырып ескертілді.