Нұр-Сұлтан қаласының мектептері мен колледждерінде сабақтар тоқтатылды

Елордада мектептер мен колледждерде ауа райының қолайсыздығына байланысты сабақтар тоқтатылды, деп хабарлайды Нұр-Сұлтан қаласының білім басқармасы.

— 05.03.2021 ауа райының нашарлауына байланысты қала мектептерінде бірінші ауысымдағы 0-11 (12) сынып оқушылары, 1-2 курс колледж студенттері қашықтықтан оқыту форматына көшеді.

Нұр-сұлтан қаласының білім басқармасы

Қазгидрометтің мәліметінше, Қазақстанның басым бөлігінде Солтүстік-Батыс циклонның әсері сақталады. Республиканың оңтүстігі мен оңтүстік - шығысында қатты жауын-шашын күтіледі. Кей жерлерде тұман, көктайғақ, бұрқасын күтіледі, жел 15-20 м/с күшейеді, республиканың солтүстігінде жел екпіні 23-28 м/с жетеді.