Нұр-Сұлтан қаласында құрылысшылар жаппай төбелес ұйымдастырды

Нұр-Сұлтан қаласында құрылысшылар жұмыс аумағында жаппай төбелес ұйымдастырған.

Бұл туралы Orda.kz хабарлайды.

Қалалық полиция баспасөз қызметінің хабарлауынша, төбелес видеосы желіде жарияланғаннан кейін оған қатысқандар анықталған.

 – Оқиға 6 тамызда күндізгі уақытта Қалдаяқов көшесіндегі құрылыс нысанының аумағында орын алғаны анықталды. Құрылысшылар бригадасы бастапқыда сөзге келіп қалып, соңы төбелеске ұласқан, - делінген Нұр-Сұлтан қалалық ПД баспасөз қызметінде.

Құқық қорғау органдарының мәліметінше, оқиғаның барлық қатысушылары анықталып, тергеу үшін полиция бөліміне жеткізілді. Оқиға болған сәтте 102 нөмірі бойынша шақырту түспеген. Қылмыстық іс қозғалды, тергеу жүргізілуде.