Нұр-Сұлтан қаласында екі киллер бостандыққа шығады

Нұр-Сұлтанда екі киллер бостандыққа шығады.

Бұл туралы Orda.kz КТК телеарнасына сілтеме жасап хабарлайды.

2014 жылдың қысында екі киллер кәсіпкер мен оның досына қарулы шабуыл жасаған. Кейін қылмыстық істі ұйымдастырушы мен орындаушылар да түрмеге қамалған. Алайда іс қайта сараланып, енді олар бостандыққа шығады.

Қастандық жасалған кәсіпкер Олжас Мұқажановтың айтуынша, 2014 жылдың қаңтарында медициналық бетперде таққан екі ер адам елорда орталығында өзіне және досына шабуыл жасаған.

Олар травматикалық тапаншадан оқ атқан. Олжастың басына және иығына бірнеше оқ тиеді, алайда ол аман қалды. Тергеу нәтижесі бойынша екі ер адам 13 және 14 жылға түрмеге қамалып, аталған қылмыс үшін сотталды. Бірақ алты жылдан кейін қылмыстық бап кенеттен «бұзақылық» деп қайта қаралды. Енді сотталғандар бостандыққа шығады.