Нұр-Сұлтан қаласы сотының төрағасы тағайындалды

Ақан Жұмағұлов Нұр-Сұлтан қаласы сотының төрағасы болып тағайындалды. Жоғарғы Соттың қылмыстық істер жөніндегі сот алқасының төрағасы Әбдірашит Жүкенов сот ұжымына Нұр-Сұлтан қаласы сотының жаңа төрағасы Ақан Жұмағұловты таныстырды.

«Осыған дейін Алматы қалалық сотының қылмыстық істер жөніндегі сот алқасын басқарған Ақан Жұмағұлов Президенттің 2022 жылғы 11 шілдедегі Жарлығымен елорда сотының төрағасы қызметіне тағайындалды» деп хабарлады қалалық соттың баспасөз қызметі.

Жоғарғы Сот алқасының төрағасы осы Жарлықпен тағайындалған аудандық соттардың төрағалары мен елордалық қалалық соттың судьяларын да таныстырды.