Нүкістегі шерушілерге қарсы қауіпсіздік күштері газ бен түтін  қолданған

Расталмаған мәліметтерге сәйкес, митингіні тарату кезінде адамдар оқтан, түтіннен және жарылғыштардан  зардап шекті, жараланғандар бар.

Қарақалпақстан жұртшылығы Өзбекстанның Ішкі істер министрлігі «тәртіп қалпына келтірілді» деп хабарлағанынан кейін Нүкіс қаласында байланыс пен интернет өшіріліп, полиция жиналғандарды тарата бастағанын мәлімдеді. Интернетте Қарақалпақстан астанасының түнгі түсірілімі бар видео тарады, қараңғыда наразылық білдірушілердің айқайы естіледі, олар полицияның ескертуіне қарамастан, тарамай, акцияны жалғастырды.

Шерушілерге қарсы түтін шығарғыштар  қолданылды. Олардың бірі наразылық танытқан адамға тиіп кетіп, оның  қайтыс болғаны (әлеуметтік желіде марқұмның видеосы тарап жатыр)  хабарланды. Бірнеше адамға резеңке оқ тисе, басқаларына көзден жас ағызатын газ қолданылған. Бұл туралы Қарақалпақстан телеграм каналдарының бірінде айтылды.

Кейбір мәліметтерге қарағанда, наразылық білдірушілердің көпшілігін полиция таратқан. Әзірге қамауға алынғандар туралы ақпарат жоқ.