Қоңқабаевтың WBA «алтын» белбеуі үшін Уордқа қарсы жекпе-жегі күтпеген нәтижемен аяқталды

Алматыда MTK Kazakhstan компаниясының ұйымдастыруымен кәсіпқой бокс кеші аяқталды.

Кештің басты назарында Ұлыбританиядан келген Стивен Уорд (13-1, 4 КО) пен қазақстандық Қамшыбек Қоңқабаев (3-0, 3 КО) арасындағы бірінші ауыр салмақтағы WBA Gold атағы үшін жекпе-жегі болды.

Бастапқыда қарсыластар аса жоғары емес екпінді таңдады: Қоңқабаев ринг орталығын алып, қарсы шабуыл жасауды жөн көрген Уордты арқандарға қарай бұрды. Бесінші раундта қазақстандық бауырға жойқын соққы жасады. Содан кейін британдық жерге отырып қалды.

Жетінші раундта Уорд жарақат алып, жекпе-жекті тоқтатуға мәжбүр болды. Нәтижесінде төрешілердің жазбаларына жүгінуге тура келді. Онда бір ауыздан шешіммен Қоңқабаев жеңіске жетті.

Айта кетейік, бұл Қоңқабаевтың Токиодағы 2020 жылғы Олимпиададан кейін бұл бірінші жекпе-жегі. Қазір Қонқабаевта төрт жекпе-жекте төрт жеңіс бар. Уорд мансабындағы бұл екінші жеңіліс болды. Ол 13 жекпе-жекте жеңіске жеткен болатын.

Бұған дейін басты жекпе-жекте қазақстандық Сұлтан Заурбек (12-0, 8 КО) алтыншы раундта британдық Райан Уилерді (16-2-1) нокаутқа түсіріп, екінші жартылай жеңіл салмақта WBO European белбеуін қорғаған болатын.