Мюнхенде 10 мыңға жуық адам наразылық білдірді

Шерушілер осы күндері Германияда өтіп жатқан қауіпсіздік жөніндегі конференцияға байланысты наразылық білдіруге шықты.

Мюнхен конференциясына қарсы демонстрацияға он мыңға жуық адам қатысты. Адамдар бірнеше көшелерді жаяу жүріп, қаланың орталық алаңына жетіп, кешке үйлеріне тарады. РИА Новости агенттігінің хабарлауынша, қатысушылар милитаризм мен Украинаға қару-жарақ жеткізуді тоқтату талаптарымен шықты.

«Ереуілшілер милитаризмді тоқтатуға және Украинаға қару-жарақ жеткізуге қарсы баннерлер мен плакаттар ұстап тұрды. Наразылық акциясын ұйымдастырушылар оқиға туралы хабарландыруда бейбіт келіссөздер жүргізуге шақырды»  деп жазады басылым.

Мюнхен конференциясы жұма күні ашылды, Ресей оған екінші жыл қатарынан қатыспайды. Кейбір әлемдік саясаткерлер мен сарапшылар Мәскеумен диалогсыз қауіпсіздікті құру және бейбітшілікке ұмтылу мүмкін емес деп санайды. Конференцияның негізгі тақырыбы - Украинадағы дағдарыс.