Мысырда мінбер  құлап, 27 адам жарақат алды

Мысырдың Каир мен Александрия клубтары арасындағы баскетбол матчы кезінде көрермендер отырған мінбер құлады.

Жергілікті БАҚ-тың хабарлауынша, оқиға Каир қаласының маңындағы спорт кешенінде «Аль-Ахли» және «Аль-Иттихад» командаларының ойыны кезінде болған. Көрермендер мен спортшылар зардап шеккендерге көмектесуге тырысты. Ойын уақытша тоқтатылды.

Алдын ала мәлімет бойынша, мінбердің опырылып құлау салдарынан 27 адам зардап шеккені нақтыланды. Көптеген адамдар  сынықтар, көгерулер және жарақаттар алды.

Еске салайық, мамыр айында футбол матчы кезінде Шымкентте желдің салдарынан стадионның шатыры опырылып түскен болатын. Одан кейін Қазақстан Премьер-лигасының 21-туры «Ордабасы» мен «Ақсу» арасында өтті. Қатты желдің салдарынан шатырдың бір бөлігі жұлынып кеткен. Стадион шатырының сынықтары Ақсу қақпасының артына құлаған. Зардап шеккендер болған жоқ.