Мысырда қазақстандық әйелдің қаза болғаны хабарланды

Мысырдағы Шарм-еш-Шейх әуежайында Қазақстан азаматының қаза болғаны туралы ресейлік Mash басылымы хабарлады, деп мәлімдейді Orda.kz.       

«Шарм-еш-Шейх әуежайында Астанаға ұшатын DV5270 рейске отырғызу кезінде жарнамалық қалқан екі әйелдің үстіне құлаған. Біреуі алған жарақатынан сол жерде қайтыс болды, екіншісінің денесі қатты кесілген. Mash мәліметі бойынша, қаза тапқан да, зардап шеккен де Қазақстан азаматтары» деп жазылған хабарламада. 

Қазақстан сыртқы істер министрлігінің баспасөз қызметі әзірге ешқандай түсініктеме жариялаған жоқ.