Мыңдаған ақбөкен бір мезетте қырылып қалды: Кеңгір су қоймасының жағасында не болып жатыр?

Ұлытау өңіріндегі Кеңгір су қоймасының жағасында экологиялық апат орын болды , деп хабарлайды Orda.kz.

Су қоймасы маңындағы мұздан мыңдаған ақбөкен табылды. Оған не себеп болғаны әлі белгісіз. Қазір оқиға орнында Төтенше жағдайлар министрлігінің қызметкерлері мен жергілікті әкімдік өкілдері жұмыс істеп жатыр.

Мәліметтерді анықтау үшін «Орда» Экология және табиғи ресурстар министрлігіне сауал жолдады.

Кеңгір су қоймасы өңірдегі энергетика мен суландырудың негізгі су реттегіші. Су қоймасы 1952 жылы салынған, оның көлемі 319 млн текше метр болады.

Бұған дейін су қоймасының гидротехникалық құрылыстары «Kazakhmys Distribution» ЖШС-не тиесілі болған; кейін олар мемлекетке қайтарылды.