Мүфтият татуировка туралы пәтуә жариялады

ҚМБД ғұламалар кеңесі денеге сурет салудың (татуировка) харам екендігіне бірауыздан келісті, деп хабарлайды Orda.kz. 

ҚМБД-ның айтуынша, тері астына бояу енгізу арқылы салынатын татуировка үлкен күнә саналады. Себебі бұл әрекет Алланың жаратылысын өзгерту, денеге зиян келтіру және көзбояушылықпен теңестіріледі. Сонымен қатар қанның араласуына байланысты нәжіс бояу қолдану шариғатқа қайшы деп есептеледі.

Сонымен қатар, егер де денеге салынған татуировканы кетіру денсаулыққа зиян тигізсе, оны қалдыруға рұқсат етіледі. ҚМБД-ның тататуировка қатысты үкімі келесідей:

•  Денеге татуировка салу – харам, үлкен күнә. Тәубе етіп, мүмкіндік болса, оны кетіруі керек.
• Татуировканы кетіру денсаулыққа зиян болса, оны қалдыруға болады. Ол дәретке, намазға және имамдыққа кедергі болмайды.