Мықтыбеков бокс федерациясының директоры болып тағайындалды

Қазақстан бокс федерациясының директоры болып Маратбек Мықтыбеков тағайындалды.

Ақпарат Оlympic.kz сайтына жарияланған, деп хабарлайды Orda.kz.

Ведомство мәліметінше, осыған дейін бұл қызметті 11 жыл бойы атқарып келген Бекжан Бектенов федерацияның халықаралық істері жөніндегі вице-президенті болып тағайындалды.

Маратбек Мықтыбеков-тәжірибелі спорт менеджері, дзюдо федерациясының вице-президенті болған, дзюдо федерациясы президентінің міндетін атқарған, сондай-ақ Алматы бокс федерациясының атқарушы директоры және Азия бокс конфедерациясының кеңесшісі қызметін атқарған.

Мықтыбеков сондай – ақ спортта тек менеджер қызметімен шектелмеген. Ол самбодан жасөспірімдер класында әлем чемпионы, дзюдодан жасөспірімдер арасындағы әлем чемпионатының алғашқы Қазақстандық жүлдегері, 2000 жылғы жастар әлем чемпионатының және 2002 жылғы студенттер Әлем чемпионатының жүлдегері, халықаралық дәрежедегі спорт шебері.