Мұздай қаруланған әскерилер ШЫҰ саммитін қорғайды

Астанада Тәуелсіздік сарайында Шанхай Ынтымақтастық Ұйымының 24-ші саммиті өткелі жатыр. Қауіпсіздікті қамтамасыз ететін әскерилер мұздай қаруланды. 

Қару асынған әскерилер мен анда-санда өтетін қара көліктер түскен бейнежазба әлеуметтік желілерде тарап кетті. 

Еске сала кетейік, Ішкі істер министрлігі ұлттық ұланның қауіпсіздікті жіті қадағалап жатқанын мәлімдеген болатын. 

Шанхай Ынтымақтастық Ұйымы құрамында қазіргі таңда 9 ел бар. Олар: Қытай, Ресей, Қазақстан, Қырғызстан, Тәжікстан, Өзбекстан, Үндістан, Пәкістан және Иран кіретін ірі халықаралық бірлестік саналады. Сондай-ақ, ұйымда үш бақылаушы және 14 диалог серіктесі бар. ШЫҰ-ның негізгі мақсаты — саяси, сауда-экономикалық, ғылыми және мәдени салалардағы ынтымақтастықты нығайту. Сонымен қатар ұйым аймақтағы бейбітшілікті, қауіпсіздік пен тұрақтылықты бірлесіп қамтамасыз етуге көп көңіл бөледі.