Мусин қазақстандықтардың наразылығына жауап берді
ҚР Цифрлық даму, инновациялар және аэроғарыш өнеркәсібі министрі Бағдат Мусин Қазақстанда мемлекеттік қызметтер көрсетудің жаңа цифрлық платформасын енгізу жоспарланғанын түсіндірді.
Бұл туралы Orda.kz хабарлады.
– Әлеуметтік желілерде туындаған сұрақтарға барынша бір пост арқылы түсініктеме беріп, ақпарат тапшылығына және бұрын айтылған ақпараттың дұрыс түсіндірілмеуіне байланысты пайда болған көзқарастардың басын ашқым келеді, - деп жазды Бағдат Мусин өзінің Instagram парақшасында.
Сондай-ақ, министр: «Қазақстандықтардың барлық деректері Ресейге қолжетімді болады» деген орынсыз пікірге түсініктеме берді.
– Неліктен? Қазақстанда тәуелсіздік алғалы бері шетелдік құрылымдарда жұмыс істейтін көптеген мекемелер бар, десе де олардың бәрі біздің мәліметтерді ала алады деген сөз емес.
Электрондық үкіметке келетін болсақ, бұл жерде біреу біреуге ақпарат береді деген сұрақтың туындамауы да керек. Жалпы, «eGov.kz» не екенін қысқаша түсіндірейін.eGov - бұл барлық мемлекеттік базалармен құрсым арқылы қосылған «витрина» ғана. Бұл базаларға немесе жүйелерге ешкім ешқашан қол жеткізе алмайды! Өткен айда басталған талдау қазақстандық мемлекеттік секторда 400 + ақпараттық жүйе бар екенін көрсетті. Бұл мемлекеттік жылжымайтын мүлік базасы сияқты ірі базалардан бастап, олимпиада жүлдегерлері тіркелген шағын базаларға дейін, - деп қосты Мусин.
Қазақстанның Цифрлық даму министрі жаңа жүйе түрлі технологияларда жазылған, әр түрлі сападағы жүздеген жүйенің орнына барлық мәліметтерді бір платформада ұйымдастырып, оны түсінікті ететінін айтты.
Бірыңғай платформа не береді?
– Қазір eGov-ты миллиондаған ескі құрылғылармен салыстыруға болады, олардың орнына біз сапалы заманауи технологиямен жабдықталған платформаны орнатқымыз келеді. Біз халық үшін де, экономика үшін де барынша оң нәтиже алу мақсатында цифрландырудың «құрақталған» моделінен тұтас платформалық моделіне өтетін кез келді.
IT саласындағы кез келген шешім, әсіресе халықаралық шешім кибер қалқан мен азаматтардың мүдделерін қорғау жөніндегі уәкілетті органдардың ұсынымын ескере отырып қабылданады. Біз Қазақстан тарапы бағдарламалық қамтамасыз ету мен техникалық қолдауды талап ететін вендор сияқты болуы керек деген талап қойып отырмыз. СБЕР барлық қолжетімділікті бере отырып, барлық компоненттердің бастапқы кодтарын көрсетеді және барлығын Қазақстандағы серверлерге орналастырады деп келістік, - деді ол.
Еске салсақ, 3 қыркүйекте ҚР премьер-министрі Асқар Мамин мен Ресей Сбербанкінің басқарма төрағасы Герман Греф Қазақстан Республикасының цифрлық трансформациясы бойынша жобаларды жүзеге асыру, платформалық модельге көшу бойынша ынтымақтастық туралы меморандумға қол қойды. Қазақстанда мемлекеттік қызметтерді көрсету үшін Sber компаниялар тобы әзірлеген жаңа цифрлық платформа енгізіледі деп болжануда. Оның құны 500 млн доллар болмақ.
Жаңалықтар
- Журналист Әділбековті қамау мерзімі 27 маусымға дейін ұзартылды
- Жамбыл облысында шенеуніктер жетім балаларды пәтерсіз қалдырды
- Тек БҚО ғана емес: Алматы облысындағы браконьерлер ақбөкен мүйізі салынған сегіз қапшықты тапты
- Үміт Шаяхметова экономиканы ырықтандыру туралы жарлыққа қатысты пікір білдірді
- Балалардан түскен пайда: Алматы облысында әлеуметтік маңызы бар тауарлар көтерілген бағамен сатылды
- Алматыдағы Ерменсай ықшамауданына су тарту мәселесі қалай шешілмек?
- Қазақстаннан жүк көліктерінің жаппай әкелінуі Қырғызстанда жанжал тудырды
- Орал әкімдігі алдына жиналған наразыларды полиция ұстады
- Қазақстан азаматтары табысының жартысынан көбін азық-түлікке жұмсауды қашан тоқтатады?
- Қазақстанда бірыңғай уақыт белдеуіне қарсы петиция жарияланды
- Иранда президент сайлауы 28 маусымда өтеді
- Су тасқыны болған өңірлердегі түлектерге 12 мың грант бөлінеді
- Вице-премьер Қанат Бозымбаев Құлсары тұрғындарының наразылығы туралы не дейді?
- ІІМ Bek Air ұшағы апатына қаза тапқан ұшқыштарды кінәлі деп санайды
- АИТВ жұқтырған науқастарды емдейтін Алматы ауруханасының бас дәрігері төрт күн бойы балалар орталығын басқарған
- Иранда президент сайлауы 28 маусымда өтеді
- Қазақстанның «Салтанат заңы» АҚШ-та жоғары бағаланды
- Әлия Назарбаеваның зауыты 1,5 млрд теңгеге сатылды
- Қазақстан Қытай нарығына экспортты ұлғайтты
- Астанадағы ШЫҰ сыртқы істер министрлері отырысында қайтыс болған Иран министрінің орнына кім келді?