Мұсақожаева ренжімесін, ғимаратының тоз-тозы шыққан — Аида Балаева өнер университеті туралы

Мәдениет және ақпарат министрі Аида Балаева Қазақ ұлттық өнер университетінің ректоры болған Айман Мұсақожаеваға қатысты пікір білдірді, деп хабарлайды Orda.kz.

Бұл туралы министр «Айқын» газетінде берген сұхбатында ашық айтты. Министрдің сөзінше, оқу орнының шатырынан су ағып, ғимаратының тоз-тозы шыққан. Университет жұмысы соңғы жылдары тұралап, құлдырай түскен. Ал университеттің қайта бой көтеруіне тікелей президенттің өзі де қолдау білдірген.

«Айман Қожабекқызы өкпелемесін, бірақ осы жылдар ішінде оқу орнының шатырынан су ағып, ғимаратының тоз-тозы шыққан. Университет жұмысы соңғы жылдары тұралап, құлдырай түскенін көрдік», – деді Аида Балаева.

Министр өнер университетінің жанындағы мамандандырылған мектеп-интернатқа жаңа ғимарат салу жобасы әзірленіп жатқанын, бұл бастама мемлекеттік-жекешелік әріптестік аясында жүзеге асатынын және қазіргі уақытта жеке инвестор жобалық-сметалық құжаттаманы әзірлеуді және оның шығындарын өзі қаржыландыруға дайын екенін айтты.

Айта кетейік, Думан Мұхаммедкәрімнің түрмедегі жағдайы белгілі болды.