Мұрат Нұртілеу ШЫҰ Сыртқы істер министрлері кеңесі аясында екіжақты келіссөздер жүргізді

ҚР Премьер-Министрінің орынбасары – Сыртқы істер минстрі   Мұрат Нұртілеу Үндістан Сыртқы істер министрі Субрахманям Джайшанкармен кездесті.

Кездесу бесінші мамырда Үндістанның Панаджи қаласында өтті. Тараптар саяси, сауда-экономикалық және мәдени-гуманитарлық салалардағы Қазақстан-Үндістан ынтымақтастығының даму перспективаларын талқылады, деп хабарлайды ҚР Сыртқы істер министрлігінің баспасөз қызметі.

Сондай-ақ дипломаттар халықаралық күн тәртібіндегі мәселелер бойынша пікір алмасып, екі елдің көпжақты құрылымдары, соның ішінде БҰҰ, ШЫҰ, АӨСШК, «Орталық Азия-Үндістан» диалогы аясындағы  өзара әрекеттестігін атап өтті.

Сонымен қатар, Мұрат Нұртілеу ШЫҰ Бас хатшысы Чжан Минмен келіссөздер жүргізіп, кездесу барысында Ұйым қызметі аясындағы өзара іс-қимыл мәселелері талқыланды.