Мұрат Әбенов Алматыдағы Hilton қонақ үйінің төмен бағаланғанына наразы болды

Мәжіліс депутаты Мұрат Әбенов мәжіліс дәлізінде ірі бизнеске қатысты салық саясатын сынға алып, Алматыдағы Hilton халықаралық қонақ үйін мысал ретінде келтірді, деп хабарлайды Orda.kz. 

Оның айтуынша, бұл — қаланың орталығында орналасқан 11 қабатты жаңа ғимарат. 

«Міне, мен айтып жүрген қонақ үй – ол үшін 2 миллион 900 (доллар не теңге — нақты айтпайды) төлеген, ал бағалағанда небәрі 200 миллион теңгеге бағалаған. Халықаралық қонақ үй қалайша 200 миллион теңге тұруы мүмкін? Бұл шындыққа жанаспайды», – деп атап өтті ол.

Әбеновтің айтуынша, мемлекет мұндай жағдайларға көз жұма қарайды:

«Неге жаңа Салық кодексінде салық өсіп кетті? Ал бизнес орындары неге бухгалтерияда көрсетілген қалдық құны бойынша ғана төлеуі керек?Бухгалтерия не жазғысы келсе, соны жазады. Бұл – амортизация, бұл – ескі ғимарат деп».

Депутат реформаны дәл осындай жағдайларды қайта қараудан бастау қажет екенін айтты.

«Егер дәл қазір Алматыда жаңа қонақ үй 200 миллион деп бағаланса, ал шын мәнінде ол 10 миллиард тұрса — сонда қанша салық төленбей қалды? Міне, осыдан бастау керек», — деді Әбенов.

Еске салар болсақ, Double Tree by Hilton Almaty қонақ үйін мемлекетке түпкілікті тапсыру жоспарланған еді.