Мұнай экспортының жаңа  құрылысы бес жылға дейін созылады

Қазақстанның энергетика министрі Болат Ақшолақов АҚШ-та өткен конференцияда мұнай бағыттарын әртараптандыру жоспарларымен бөлісті.

Қазақстан мұнай бағытын әртараптандыруға ұмтылуда, деп хабарлады Қазақстанның энергетика министрі Болат Ақшолақов Хьюстонда өткен CERAWeek халықаралық энергетикалық конференциясында. Bloomberg басылымы Ақшолақовтың сөзін  келтіреді.

ҚР Энергетика министрлігінің басшысы экспорттық бағыттарды әртараптандыруды «нөмірі бірінші мәселе» деп атады. Қазір Қазақстан КТК мұнай құбыры жүйесіне сүйенеді.

Ақшолақов конференцияда Қазақстан Каспий теңізі арқылы шикі мұнай экспортталатын жаңа құбыр салуды жоспарлап отырғанын айтты. Бірақ мұндай жобаны әзірлеу бес жылға созылуы мүмкін және мұнай танкерлерінің жаңа паркін қажет етеді, деді министр.

Болат Ақшолақов Қазақстан 2024 жылдың соңына қарай мұнай өндіруді тәулігіне 2 миллион баррельге дейін ұлғайтатынын, сондай-ақ Каспий құбыр консорциумы арқылы мұнай айдауды 2023 жылы 50 миллионнан 60 миллионға, ал  2024 жылдың аяғында 72 миллион тоннаға дейін арттыруды жоспарлап отырғанын атап өтті.