Мультимиллионер ақша үнемдеу үшін мысық консервісін жейді

Байлығы шамамен 5,3 миллион доллар болатын Американың Лас-Вегас қаласының тұрғыны өмір сүру бағытында бәрін үнемдейтінін, тіпті осы мақсатта қажет деп тапса - мысықтың консервілерін жейтінін жариялады.

50 жастағы Эми Элизабет өзін әлемдегі ең үнемді мультимиллионер деп санайды. Ол ақшаны үнемдеудің ең күрделі әдістерін қолданады. Ол айына мың доллардан артық ақша жұмсамауға тырысады. Мысалы ол су жылытқыштағы су 22 минут ішінде жылитынын біледі, сондықтан осы уақыт өткен соң оны өшіріп,  душ қабылдағанға дейін таймерге қосады.

Сонымен қатар ол жаңа ештеңе сатып алмайды. Тіпті ыдыс жуатын шүберектерді ыдырап, шіріп кеткенше қолданады. Суды ысырап етпеу үшін ешқашан жуып-шаймайтын бір ғана пышақ қолданады. Элизабет үйді де бұрынғы күйеуінен мұраға алған.

Егер Элизабет айдың аяғында бюджетке сәйкес келмейтінін түсінсе,  мысықтарға арналып  жасалған ең арзан консервілерді сатып алып жейді. Лос-Анджелестегі тұрақты іс-сапарларына әуе билеттерін үнемдеу үшін өз көлігімен барады.

«Көпшілік менің әрекетімді көріп шошып жатады. Бірақ маған бәрібір. Бұл ақша үнемдеу», - дейді мультимиллионер.