Мұхтар Тайжан Божкоға қарсы сотта жеңіліп қалды

Сот қоғам қайраткері Мұхтар Тайжанды бұрынғы депутат Владимир Божкоға 1 миллион теңге төлеуге міндеттеді.

2019 жылғы қыркүйекте Қазақстан халқы Ассамблеясының отырысынан кейін сол кезде Мәжіліс төрағасының орынбасары қызметін атқарған Божко жекелеген азаматтардың біржақты сөздері елдегі этносаралық және дінаралық келісімге қауіп төндіретінін, ал шетелдік арнайы қызметтер мұны пайдалана алатынын айтқан еді.

«Үш жыл ішінде халықты әлеуметтік қолдау 17 есе өсті. Осы үшін сіздер тізе бүгіп, мемлекетке алғыс айтуларыңыз керек» деді ол.

Бұл сөздер қоғамда қызу талқыланды. Үш жылдан кейін, 2022 жылдың қазан айында Мұхтар Тайжан Божкоға ар-намысты, қадір-қасиетті және іскерлік беделді қорғау үшін азаматтық талап қойды.