Мұхтар Мағауин АҚШ-та жерленді: Жазушыны соңғы сапарға шығарып салуға кімдер келді?

Мұхтар Мағауин АҚШ-тың Мэриленд штатындағы Парк Лаун мемориалдық зиратында жерленді, деп хабарлайды Orda.kz.

11 қаңтарда Мұхтар Мағауинның АҚШ-тағы түріктің Diyanet Center of America мешітінде жаназа намазы оқылып, артынан  Парк Лаун мемориалдық зиратында жерлеу рәсімі өтті. Жаназаға жазушының ет жақын туыстарымен қатар Қазақстанның АҚШ-тағы елшісі Ержан Ашықбаев және дипломаттар қатысты. Елші Ашықбаев қонағасыда Қасым-Жомарт Тоқаевтың атынан көңіл айту хатын оқыды.

Айта кетейік, 2025 жылдың 9 қаңтарында бейсенбі күні қазақ руханиятының мәңгілік өлмес мұрасын жасап кеткен заңғар жазушы, тарихшы Мұхтар Мағауин көз жұмған болатын. Ол өмірінің соңғы 18 жылдан астам уақытында шетелде тұрды.

Фото:Orda.kz