Мұғалімді балағаттап, оқудан шығып қалған оқушы бейнеүндеумен кешірім сұрады
Фото: Бейнеден кадр
Назарбаев мектебінің 11-сынып оқушысы мұғалімді балағаттағаны үшін оқудан шығарылды. Ол арнайы бейне түсіріп, кінәсін мойындап, оқуын жалғастыруды сұрады, деп хабарлайды Orda.kz.
Назарбаев зияткерлік мектебінің 11-сынып оқушысы оқу жылының аяқталуына екі күн қалғанда мұғалімді балағаттағаны үшін оқудан шығарылды. Жанжал оқушы тоқсандық қорытынды бағалау кезінде телефон қолданғанынан кейін басталған. Мұғалім оқушының телефонын алып қояды. Ызаланған оқушы мұғалімді көптің көзінше балағаттаған. Жағдай сараланып, оқушы 23 мамыр күні оқудан шығарылды.
Жасөспірімнің айтуынша, мұғалімдер мен ата-аналар ол туралы жалған ақпарат берген көрінеді. Сонымен қатар ата-аналар орыс тілін білмегендіктен және қысым болған соң мәлімдемеге мазмұнын түсінбей қол қойған.
«Егер маған осы мектепте оқуымды жалғастыруға мүмкіндік берілсе, мен тәртіптік жазаға, қоғамдық жұмыстарға баруға немесе басқа да шараларға дайынмын», — дейді оқушы.
Бұған дейін мектеп директоры Әнуар Жанғозин баланың кінәсі дәлелденгенін айтқан еді.
Мәжіліс депутаты Ирина Смирнова бұл жағдайға қатысты пікір білдірді. Оның айтуынша, бұл мәселеде оқушының құқығы бұзылған.
«Мектеп тек сабақ беріп қана қоймайды, ол тәрбиелейді. Осы мектепке бес жыл бұрын ең ынталы, дайындығы жақсы оқушылар қатаң іріктеуден сәтті өтіп, мемлекеттік оқу грантын алды. Мектепте оқушыларды қорқытпай, керісінше олармен жұмыс істеу керек», — деді ол.
Депутат Қазақстандағы кәмелетке толмағандардың мінез-құлқы әкімшілік құқық бұзушылық туралы кодекспен реттелетінін еске салды.
Бұл жағдайға оқу-ағарту министрі Ғани Бейсембаев та араласты. Оның тапсырмасы бойынша мектепке балалардың құқықтарын қорғау комитетінің және аумақтық департаменттің өкілдері жіберілетін болды.
«Қазақстанда педагог мәртебесі заңмен бекітілген және оның қоғамда ерекше рөлі бар. Олардың кәсіби абыройына күмән келтіруге болмайды. Сонымен қатар оқушы жіберген қатесін түсінді. Бұл жағдайда мектеп адамгершілік пен кәсіпқойлық қағидаттарын басшылыққа ала отырып шешім қабылдайды деп сенеміз», — деді ведомствоның ресми өкілі Мереке Амангелдіқызы.
Бұл жағдай министрлік пен балалар құқықтарын қорғау органдарының ерекше бақылауында.
Айта кетейік, Назарбаев университетінде бір студенттің дәретханадағы қыздарды жасырын суретке түсіргені белгілі болған еді.
Жаңалықтар
- Алматының әл-Фараби даңғылында көлік жарысы тоқтар емес
- Украина Ресейдің мұнай инфрақұрылымына ауқымды соққы жасады
- Сот Қашаған операторларының ірі көлемдегі айыппұлға қатысты апелляциясын қанағаттандырмады
- Иран Ормуз бұғазының қайта жабылғанын мәлімдеді
- Шымкентте ЖОО-ның 320 миллионын жымқырған сегіз адам сотталды
- Алаяқтар қасиетті сапарға да қол сұғып, 17 қажының ақшасын қалтаға басқан
- «Әскер барысы – 2026» турнирінің жеңімпазы анықталды
- Жолда қарсы келе жатқан екі жүк көлігінің арасынан саспай өткен ақтөбелік ғаламтор жұлдызына айналды
- Дропперлер қылмыстық жауапкершілікке тартылады
- Қазақстанда энергетикалық қауіпсіздік күшейтіліп, кемінде үш АЭС салынады
- Баян Алагөзова: «Қыз Жібектің» қамзолы 50 жыл ешкімге керек болмады
- Тоқаев Анталиядағы дипломатиялық форумда не айтты?
- Ормуз ашылды, бірақ қысым сақталады: Иран, Трамп және мұнай нарығы қалай өзгерді?
- Тоқаев БҰҰ-ды реформалау мәселесіне жауапкершілікпен қарау керегін айтты
- Министрлік Баян Алагөзованың «Қыз Жібек» фильміндегі киімге қатысты жариялаған жазбасына пікір білдірді
- АҚШ Сириядан өз әскерін толық шығарды
- Ақтөбе облысында 2 апта бұрын жоғалған 10 жастағы баланың денесі табылды
- Алматыда екі автобус соқтығысты, жарақат алғандар бар
- Әділет Алмат Азия чемпионы атанып, 4 жыл үзілістен кейін елге дзюдодан алтын әкелді
- Ливан Израиль бітімді бұзғанын мәлімдеді
