Мүгедектік бойынша жәрдемақы алуға өтінішті eGov.kz сайтында беруге болады

Бұған дейін өтініштер қағаз түрінде халыққа қызмет көрсету орталықтары мен медициналық-әлеуметтік сараптама бөлімдері арқылы қабылданатын.

eGov.kz порталы арқылы өтініш беру үшін «Отбасыларға көмек» бөлімінде «Мүгедектігі бойынша әлеуметтік төлемдерді тағайындау» тармағын таңдау қажет.

Пайдаланушы порталға кіріп, онлайн режимінде қызметке тапсырысты бастауы, барлық қажетті ақпаратты толтыруы және электрондық цифрлық қолтаңбамен өтінімге қол қоюы қажет.

Қызметті көрсету мерзімі 8 жұмыс күнін құрайды. Мүгедектік бойынша әлеуметтік жәрдемақы тағайындау туралы хабарлама немесе бас тарту туралы дәлелді жауап пайдаланушының жеке кабинетіне жіберіледі.

Айта кету керек, қызмет алу үшін мүгедектіктің болуы және мүгедектік дәрежесі туралы ақпарат (МӘС бөлімінің қорытындысы), сондай-ақ Мемлекеттік әлеуметтік сақтандыру қорына төленетін әлеуметтік аударымдар жағдайы туралы мәліметтер қажет. Оған соңғы 24 айдағы түбіртектерді МӘСҚБ ақпараттық жүйелерінен автоматты түрде тексереді.