Моңғолиядан Қазақстан тарихына қатысты құнды құжаттар табылды

Моңғолиядан Қазақстан тарихына қатысты фотоқұжат пен киноқұжат табылды, деп хабарлайды Orda.kz. 

Орталық мемлекеттік кинофотоқұжаттар мен дыбыс жазбалар мұрағаты делегациясы Моңғолияның Ұланбатыр қаласына барып зерттеу жүргізді. 

Ғылыми-зерттеу жұмыстары барысында Моңғолияның Ұлттық архивінен Қазақстанға қатысты 90 фотоқұжат және жалпы ұзақтығы 92 минуттық киноқұжат көшірмесі алынды.

Видеода қазақстандық делегацияның жергілікті қазақтардың тыныс-тіршілігімен танысуы туралы деректер бар. Ал суреттерде жергілікті қазақтардың тұрмысы, театр қойылымдары, әр жылдары Моңғолияға сапармен барған қазақстандық өкілдер бейнеленгенін көруге болады.