Моңғолия президенті ШЫҰ саммитіне қатысу үшін Астанаға ұшып келді 

Моңғолия президенті Ухнаагийна Хурэлсуханы елордалық әуежайда Қазақстан премьер-министрінің орынбасары Ғалымжан Қойшыбаев қарсы алды.

Моңғолия президенті 3-4 шілдеде Астанада өтетін ШЫҰ саммитіне қатысады. Шанхай ұлттың ынтымақтастық ұйымының самиті өткелі жатқан елордамыз әлем халқының 45 пайызы тұратын мемлекеттердің басшыларын шақырып, маңызды саяси шешімдер қабылдайтын алаңға айналып отыр.

Қазақстанмен дәстүрлі әрі достық қарым-қатынастағы Моңғолия – 2004 жылы Шанхай ынтымақтастық ұйымында бақылаушы мәртебесін алған алғашқы мемлекет. Екі елдің 2023 жылдың қорытындысы бойынша тауар айналымы $133 млн болды, бұл 2022 жылмен салыстырғанда 27,7%-ға өсім көрсетті.

Еске сала кетейік, бұған дейін елімізге Қытай басшысы Си Цзиньпин және Ресей президенті Путин келген еді. Сондай-ақ, елімізге БҰҰ бас хатшысы  Антониу Гутерриш және ШЫҰ Бас хатшысы Чжан мин келген болатын.