«Монархия емес, демократия»: АҚШ-та Трамп саясатына қарсы тағы да ауқымды наразылық өтті

18 қазанда америкалықтар тағы да өре көтеріліп, көшеге шықты. Олар АҚШ президентінің «авторитарлық үрдістері мен шексіз сыбайлас жемқорлығына» қарсылық білдірді. Елде 2500-ден астам митинг өтті, олардың ең ірілері Вашингтонда, Нью-Йоркте және Чикагода болды. Ұйымдастырушылардың мәліметінше, акцияларға жеті миллионға жуық адам қатысты, деп хабарлайды Orda.kz.

Америкалықтар қолында «Корольдерге жол жоқ», «Миллиардерлер АҚШ-ты құртады», «Режимнен арылайық», «Монархия емес, демократия» және басқа да жазулары бар ұлттық жалаулар мен плакаттар ұстап шықты.

Reuters хабарлағандай, демонстрациялар бейбіт сипатта өтті, оған қарттар да, бала ерткен азаматтар да қатысты. Зорлық-зомбылық немесе тұтқындау жағдайлары туралы хабарламалар түскен жоқ.

«Бізге король керек емес» деп мәлімдеуден және бейбіт наразылық білдіру құқығын пайдаланудан басқа америкалық ештеңе жоқ», - деді митингілерді жоспарлауды басқарған Indivisible ұйымының тең құрылтайшысы Лия Гринберг. 

Бейнелер: X әлеуметтік желісінен:

Наразылықтар Трамптың болжамды саяси жауларын қылмыстық қудалау, иммиграцияны басу жөніндегі әскерилендірілген шаралар және АҚШ қалаларына Ұлттық гвардия әскерлерін жіберу сияқты оқиғаларға байланысты көптеген америкалықтардың алаңдаушылығының көрінісі болды.

Митингілер шатдаун аясында өтіп жатыр, соның салдарынан бірқатар федералдық әлеуметтік бағдарламалар жабылып, ондаған мың мемлекеттік қызметкер жұмыстан босатылды немесе ақы төленбейтін демалысқа жіберілді. Бұл маусым айының ортасындағы осындай акциялардан кейінгі екінші жаппай демонстрация.

АҚШ вице-президенті Джей Ди Вэнс қарсылық білдірушілерді өлтіріп, Блуэскиде Трамп король ретінде бейнеленген жасанды зерде бейнесін жариялады, ал сол бейнеде танымал демократтар, бұрынғы өкілдер палатасының спикері Нэнси Пелоси және Сенаттағы демократтар көшбасшысы Чак Шумер оның алдында тізе бүгіп отыр.

АҚШ президентінің өзі наразылық болған күні Флоридада жайбарақат гольф ойнап жүрді. Міне, біз еліктеген армерикалық демократия! 

Бұған дейін сәуір айында митингілер Вашингтон, Нью-Йорк, Сан-Франциско және Американың бірнеше ірі қалаларында өтті. Акцияға қатысқандар Ақ үй басшысын авторитарлық басқару тәсіліне және заңсыз мигранттарды тиісті сот рәсімінсіз депортациялағаны үшін айыптады.

Жыл басында америкалықтар жиналып,  Палестина мен Йемендегі атысты тоқтатуды талап еткен болатын.