Молдова ТМД құрамынан шығады: Депутаттар заң жобасын қабылдады

Молдова парламенті елдің Тәуелсіз Мемлекеттер Достастығы (ТМД) құрамынан шығу туралы заң қабылдады, деп хабарлайды Orda.kz Meduza-ға сілтеме жасап. 

Негізгі келісімдерді денонсациялау үшін 101 депутаттың 60-ы дауыс берді. Коммунистер мен социалистер қарсы шықты. Олардың пікірінше, Молдованың ТМД-дан шығуы ел экономикасы үшін «апатты салдарға» әкелуі мүмкін. Бұрынғы президент Владимир Воронин бұл шешімді «экономика үшін трагедия» деп атады.

Молдова ТМД-дан шығу процесін қаңтар айында бастаған еді. Енді заң жобасына президент Майя Санду қол қоюы керек. Осыдан кейін сыртқы істер министрлігі барлық құжаттарды ТМД Атқарушы комитетіне жібереді. Ел ұйым құрамынан толықтай 12 ай өткен соң шығады.

Айта кетейік, Молдова билігі ТМД-дан шығу жоспарын алғаш рет 2023 жылдың желтоқсанында мәлімдеді. 

Оқи отырыңыз: 

• ҚМБД даулы жағдайларға қатысты мәлімдеме жасады
• NASA жарты ғасырдан астам уақыттан кейін Айға қайтадан адам аттандырды