Молдова прокуратурасына жауап беруге бармаған Дариға Назарбаеваның құдасының қайда екені белгілі болды

Дариға Назарбаеваның құдасы Қайрат Боранбаев Молдованың Ұйымдасқан қылмысқа және аса маңызды істерге қарсы күрес прокуратурасына жауап беруге келмеген.

Бірақ ол Алматы облысының Іле-Алатау ұлттық саябағындағы «Аюсай» орталығына барған. Ол гидтер мен күзетшілердің көмегімен ғимаратты аралап шықты.

Алайда журналистерді көрген ол тез жасырынып қалды. Orda.kz тілшісі Қазақстандағы McDonald's фастфуд желісінің иесін суретке түсіріп үлгерді.

Еске салсақ, 10 наурыз Құлыбаев, Боранбаев және Машкевич Молдова прокуратурасына жауап беруге бармағаны хабарланды.

Молдова прокуратурасы Orda.kz редакциясына олардың бопсалау фактісімен күдікке ілінгенін хабарлады. Сонымен қатар әңгіме Молдованың Қылмыстық іс жүргізу кодексінің нормаларына сәйкес ұйымдастырылған ірі сомадағы ақша туралы болып отыр.

Orda.kz редакциясы миллиардерлер Тимур Құлыбаев, Қайрат Боранбаев және Александр Машкевич Молдованың Ұйымдасқан қылмыспен және аса маңызды істермен күрес жөніндегі прокуратурасына жауап беруге шақырылғаны туралы сотқа шақыру қағазының көшірмелерін алды.

Прокурор Денис Поятенің Orda.kz тілшісіне телефон арқылы хабарлауынша, Молдова Қылмыстық кодексінің 189-бабының 6-бөлігі «Бопсалау» бойынша қылмыстық іс бойынша күдікті ретінде танылған қазақстандықтардың кейбірі жауап беруге келмеді. Қылмыстық іс 2021 жылдың тамыз айында «негізделген күдік» түрінде қозғалған.