Молдавия  украиналық босқындар ағынына байланысты АҚШ-тан көмек сұрады

Молдавия президенті Майя Санду Украинадан келген босқындар ағынына байланысты АҚШ пен халықаралық қауымдастықтан көмек сұрады, деп хабарлайды Интерфакс.

— Бейтарап мемлекет ретінде біз соған сәйкес әрекет етеміз. Молдавия босқындарды қабылдай бастады, - деді ол Кишиневте АҚШ Мемлекеттік хатшысы Энтони Блинкенмен бірлескен баспасөз мәслихатында.

Санду осы уақыт ішінде Молдавияға 250 мыңға жуық Украина азаматы кіргенін атап өтті. Олардың кейбіреулері одан әрі ЕО елдеріне кетті, бірақ 100 мыңға жуығы Молдавияда  қалды.

— Бұл біздей мемлекетінің   табысы аз елдің мүмкіндіктерінен әлдеқайда асып түседі. 10 күндегі босқындар саны Молдавия  халқының шамамен үш пайызын құрайды. Осыған орай бізде айтарлықтай  қиындықтар туындады. Сондықтан біз АҚШ-қа, басқа елдерге, халықаралық ұйымдарға көмек сұрап жүгіндік, - деді ел президенті.

АҚШ Мемлекеттік хатшысы Энтони Блинкен Молдавия  АҚШ Конгресі осы мақсаттарға бөлетін 2,75 миллиард долларлық көмектің бір бөлігін алатынын айтты.

Украинадағы жағдайға байланысты Молдавия  парламенті 24 ақпаннан бастап елде 60 күн мерзімге төтенше жағдай жариялады.