Мобильді интернет жылдамдығы бойынша Қазақстан 103 орында

Әлем елдері рейтингісінде Қазақстан мобильді интернет жылдамдығы бойынша үш орынға көтерілді, деп хабарлайды ORDA Ranking.kz сайтына сілтеме жасап.

2021 жылдың қаңтарында мобильді ғаламтор жылдамдығы бойынша елдердің жаһандық рейтингісінде секундына 183,5 мегабит жылдамдықпен бірінші орынды БАӘ алды. Бес үздік ел қатарына Оңтүстік Корея, Катар, Қытай және Сауд Арабиясы бар.

103-орынға жайғасқан Қазақстан-рейтингідегі елдердің көтерілуі бойынша 25 үздік ел қатарында. Қазақстанда ғаламтор жылдамдығы бір жылда 6,6%-ға өсіп, секундына 20,15 мегабитке жетті. Орталық Азиядағы ғаламтор жылдамдығы бойынша Қазақстан мен Қырғызстан көш бастауда.

Қазақстандағы интернет жылдамдығы қашықтан жұмыс жасау, оқуға, видеоконтент қолданудың көбеюінен өсіп отыр. Мысалы, Beeline трафигі 2020 жылы 63%-ға, Kcell – 40,6%-ға, Tele2 – 34%-ға өскен.