Моңғолияда 23 ақпаннан бастап Pfizer және AstraZeneca вакциналары егіледі

Моңғолия үкіметі халықты коронавирусқа қарсы вакцинациялауды 23 ақпаннан бастауды жоспарлап отыр. Бұл туралы Моңғолияның денсаулық сақтау министрі Сережавин Энхболд мәлімдеді, деп хабарлайды Монцаме ұлттық ақпараттық агенттігі.

«Біз қазір вакциналардың төрт түрін әкелу туралы келіссөздер жүргізіп жатырмыз. Бірінші кезеңде Моңғолия Pfizer және AstraZeneca вакциналарын алады», - деді ол.

Министр Pfizer вакцинасын - 70 градуста сақтау керек екенін еске салып, қойма мен осы талапқа сай жабдықтардың толықтай дайын екенін айтты.

Денсаулық сақтау министрлігінің басшысы сонымен қатар ел тұрғындарының 20% вакцинаны Ковакс бағдарламасын қаржыландыру арқылы алатындықтарын еске салып, қалған тұрғындарға вакцинация басқа көздерден егілуі керектігін қосты. Жалпы, халықтың 60% вакцинациядан өтуі керек.

«Халықтың 60% -ына вакцинация жасалатын себебі, біздің елде 0-ден 18 жасқа дейінгі халық саны 1,2 миллион адамды құрайды. Вакциналар 16 жастан асқан адамдарға, кейбір вакциналар - 18 жастан асқан адамдарға ұсынылады, бұл халықтың 60% құрайды», - деп түсіндірді Денсаулық сақтау министрі Сережавин Энхболд.