ММА бойынша әлем чемпионаты аяқталды

Қазақстандық Бағдат Жұбаныш тарихтағы тұңғыш ММА бойынша үш дүркін әлем чемпионы атанды.

Қазақстандық файтер Бағдат Жұбаныш аралас жекпе-жектен (ММА) тарихта тұңғыш рет үш дүркін әлем чемпионы атанды, деп хабарлайды Қазақстанның Біріккен ММА федерациясының баспасөз қызметі.

«29 қаңтарда Абу-Дабиде ММА бойынша әлем чемпионаты аяқталды. Әлем чемпионатына 56 елден 421 спортшы қатысты. Жарыстар 18-21 жас (жастар) және 21+ (ересектер) жас санаттары бойынша өтті. Қазақстан атынан 29 салмақ дәрежесі бойынша 42 спортшы қатысуда. ММА әлеміндегі тарихи оқиға ақтөбелік Бағдат Жұбаныштың (52,2 келіге дейін) хет-трик жасауы болды. Ол финалдық жекпе-жекте ресейлік Фарход Рахмоналиевті жеңіп, әуесқой ММА бойынша алғашқы үш дүркін әлем чемпионы атанды», - делінген хабарламада.

Жекпе-жек үш раундта да қазақстандықтардың басымдығымен өтті.

 «Төрешілер бірауыздан шешім қабылдап, жеңісті Жұбанышқа берді», - деп қосты федерация.

Бекзат Жасия (Шымкент) Қазақстанға ММА бойынша ересектер арасындағы әлем чемпионатының екінші алтынын алды. Ол 65,8 келіге дейінгі салмақта жаңадан шыққан чемпион испандық қарсыласы Хуан Изкуэрдоны төрешілердің шешімімен жеңді.

 «Финалда қазақстандық жалғыз қыз Айжан Әбдіқадыр (Жамбыл облысы) болды. Ол 70,3 келіге дейінгі салмақ дәрежесінде өнер көрсетті»делінген хабарламада.

120,2 келіден жоғары салмақ санатындағы соңғы жекпе-жекте павлодарлық Расул Хатаев ресейлік Шамсутдин Махмудовты техникалық нокаутпен ұтты.

120,2 келіден жоғары салмақ санатындағы соңғы жекпе-жекте павлодарлық Расул Хатаев ресейлік Шамсутдин Махмудовты техникалық нокаутпен ұтты.