Құмкөл кенішінде контейнер өртеніп, үш адам отқа оранды

Құмкөл мұнай кенішінде жұмысшылар демалатын контейнер өртенді, деп хабарлайды ORDA «Хабар 24»-ке сілтеме жасап.

Отқа оранған контейнердің ішінде үш адам қалып қойған. Денелерінің 25 және 90 пайызын күйік шалған зардап шегушілерді құтқарушылар жансақтау бөліміне жеткізді. Абырой болғандар, қаза тапқандар жоқ.

Дәрігер мамандардың айтуынша жағдайлары орташа ауыр деңгейде. Олар қазір дәрігерлердің бақылауында.

Нұрсұлтан Ибрагимов, «Өрт сөндіру және авариялық құтқару қызметі» ММ бастығы:

«Контейнердің өртенген аумағы 72 шаршы метрді құрады. Ішінен бір тұрмыстық газ баллоны шығарылды. Осы жағдайлардың барлығы облыс тұрғындарының өрт қауіпсіздігі талаптарын сақтамауы, электронды қондырғыларды бақылаусыз қалдыру салдарынан орын алып отыр. Сондықтан тұрғындарға және мекемелерде өрт қауіпсіздігі талаптарын қатаң сақталса деп талап қоямыз».