Мьянмада ереуілге шыққан 40-қа жуық адам мерт болды

14 наурызда Мьянма қалаларында қауіпсіздік күштері наразылықты басу кезінде, 38 адам көз жұмып, 80-ге жуық адам жараланды. Бұл туралы Мьянманың саяси тұтқындарға көмек қауымдастығы (APPZ) мәлімдеді, деп хабарлады ORDA РИА Новостиге сілтеме жасап.

Қауымдастықтың Facebook парақшасында адамдар Янгон, Мандалай, Баго, Факанда көз жұмды делінген. 14 наурыздағы жағдай бойынша әскери күш билік басына келгелі және ақпан айының басында жаппай ереуілдер басталғалы бері Мьянмада қауіпсіздік күштерімен қақтығыста 126 адам қаза тапқан.

APPZ мәліметтері бойынша, қазіргі кезде елде тұтқындалған адамдардың жалпы саны 2 156 адамға жетті. Қауымдастық бұл сан тек наразылық акциялары кезінде ұсталған адамдардың жалпы санын емес, айыпталған ресми қамауға алынған адамдардың санын ғана көрсететіндігін атап өтті.

Myanmar junta forces killed at least 38 people in one day on March 14, according to AAPP @aapp_burma #WhatsHappeningInMyanmar pic.twitter.com/ja9i4d4qW5

— Wa Lone (@walone4) March 14, 2021

Мьянманың әскерилер бақылайтын мемлекеттік MRTV телеарнасы кейбір жерлерде наразылық білдірушілер полиция мен әскери қызметкерлерге қарсы қару қолданған деп хабарлады. Нәтижесінде сол күні Янгонда наразылық білдірушілермен қақтығыста екі полиция қызметкері қаза тапты.

Мьянманың әскери күштері азаматтық үкіметті құлатып, елдегі билікті 1 ақпанда қолға алып, Мьянма президенті Вин Минт пен Мемлекеттік кеңесші (іс жүзінде премьер-министр) Аун Сан Су Чи бастаған азаматтық көшбасшыларды қамауға алды.

The burning factories in Hlaing Tharyar could not be controlled still after midnight. Yangon Myanmar. #March14Coup #WhatsHappeningInMyanmar #RejectMyanmarMilitaryCoup pic.twitter.com/aMYt8iK30J

— Violet (@Violet50231835) March 14, 2021

Әскерилер бұл әрекеттерін 2020 жылғы жалпы сайлау нәтижелерінің жаппай бұрмалануымен және азаматтық биліктің оны тергеуге келмеуімен байланыстырды. Төтенше жағдай енгізудің конституциялық механизмнің көмегімен билікке келген жаңа әскери үкіметтің басшылары бір жылдан кейін жаңа сайлау өткізіп, билікті жеңген партияға өткізуге уәде берді.