Мьянма президентінің міндетін атқарушы көз жұмды

Мьянма президентінің міндетін атқарушы Мьин Шве 74 жасына қараған шағында қайтыс болды, деп хабарлайды Orda.kz. 

Бұл қаралы хабарды елдің ұлттық қорғаныс және қауіпсіздік кеңесі мәлімдеді. Ол бүгін, 7 тамыз күні Нейпидодағы ауруханада көз жұмды. 

Мьин Шве 1951 жылы 24 маусымда дүниеге келген. Ол өзінің мансабында әскери қызметтен Мьянманың негізгі саясаткерлерінің біріне дейін көтерілді. Ол 1971 жылы қорғаныс қызметтері академиясын бітіріп, елдің қарулы күштерінде ұзақ уақыт қызмет етті. Онда бригадалық генерал және 11-ші жеңіл жаяу әскер дивизиясының қолбасшысы болды.

2000 жылдардың басында ол әскери қауіпсіздікті қадағалады және 2006 жылы бесінші арнайы операциялар бюросының басшысы болып тағайындалды.

Мьин Шве билікке 2021 жылдың 1 ақпанында әскери төңкеріс арқылы келді.

Айта кетейік, АҚШ президенті Дональд Трамп Ресей және Украина басшыларымен жеке кездескісі келетінін мәлімдеді.