Мирзиеев жол апатынан қаза тапқан өзбек азаматтарына үкіметтік комиссия құрды

Өзбекстан президентінің тапсырмасымен Қазақстанда жантүршігерлік көлік апатынан қайтыс болған 8 өзбекстандық азаматтың денесін жерлеуді ұйымдастыратын үкіметтік комиссия құрылады, деп хабарлайды Orda.kz порталы.

Марқұм болғандардың денесін тасу үшін Өзбекстан қорғаныс министрлігінің әскери ұшағы бөлінді.

«Өзбекстанның Төтенше жағдайлар министрлігі қазақстандық әріптестерімен тығыз байланыста, сондай-ақ болған оқиғаның себептерін зерттеуде бірлесіп жұмыс істеуде» делінген хабарламада.

Еске сала кетейік, Ақтөбе облысының Самара-Шымкент тас жолында жантүршігерлік көлік апаты болып, салдарынан 8 адам қайтыс болды. Мәлімет бойынша Өзбекстан азаматтары тізгіндеген көліктен ақау шығып, қарсы бетке өтіп кеткен.